Angler

Ümsünst!

„Die Heringe sind da und die Möwen warten auf Ihren Anteil“!
So stünn dat in’t Blatt vun de „Travemünder Möwenpost“.
Dat hebbt wohl ok twee Angler leest. In dulle Anglerutrüstung stünnen se in Travemünn vör de Mövenbadeanstalt mit en lütte Kist vör den Buuk in dat veer Graad kole Water. In de Kist sullen de Hering.

Angler

Aver de Oostsee weer dütt Johr eenfach noch to kolt. In de annern Johr’n weer de Hering to de glieke Tiet al dor. Enkelte Hering weern al an de Angel gahn. Aver de groten Swarms leten noch up sik töven.

Angler

De beiden Angler smeten ümmer wedder ehr Angel ut, aver ümmer ümsünst. De lütte Kist vör den Buuk bleev leer.
Denn harrn se wull kole Fööt kregen. Se trocken de Angel in un kemen an Land. Bevör de beiden an’t Över kemen, kippen se mit lachend Gesicht dat Water ut ehr Kist, de se för de Herimg mitnahmen harrn.

Angler

Hering för to Huus mööt se sik vun den Fischkutter halen. De keem al mit en groten Swarm Möven üm sik rüm na Huus. De harr seker noch eenige Hering över.

Fischkutter

Text und Fotos: Antje Heßler
Unser Travemünde, 2015, Heft 2/362

zurück zur Übersichtsseite Platt