25 Johr – Tramünner Klöönsnackrunn
An’n 30. Dezember 1985 is de erste Runn in den Ünnerrichtsruum vun de Füürwach up den Baggersand to’n Klöönsnack to Hoop kamen. Dat is nu 25 Johr her, en lange Tiet.
Dat de Runn den langen Törn achter sik bröcht hett, is an’n Dingsdag, den 27.April 2010 in -Huus Royal-(Posselhuus) in de Kaiserallee ornlich wat fiert worrn.
Klock 5 (17°° Uhr) hebbt Edmund Abram un Rolf Schwippert mit lütte Anspraken de Festrunn begrüßt un de Fier in de Gang sett. An en rieklich Büfett mit warm un kolt lecker Saken hett man sik för de Fier strak maakt.
Fruens- un Mannslüüd hebbt achterna lustige Sketsche vördragen. Twüschendörch sünd Leder anstimmt worrn. Dorto hett Jürgen Pfeufer up sein Schipperklavier Musik maakt. Dat alltosamen hett en gode Stimmung in Gang sett. Een kann seggen, dat weer en gode, vergnögliche 25 Johrfier. To de, de mitholpen hebbt de Fier in de Gang to bringen mütt man velen Dank seggen.
Den ersten Klöönsnack hebbt 12 Mannslüüd afhollen:
| Johann Frenz Hermann Friedrichs Heinrich Gerstel Karl-Heinz Hoge |
Werner Holst Günter Holst Werner Jahnke Hans Schultz |
Rolf Schwippert Otto Timmermann Emil Westphal Klaus Wilmerstedt |
Twee Klöönsnackers vun de erste Runn hebbt de 25 Johrfier noch mitmaakt:
Karl-Heinz Hoge un Rolf Schwippert.
zurück zur Übersicht Travemünde Geschichte